Ko Paul Hamer tētahi tumu kōrero me te wheako whānui i roto i te rāngai tūmatanui. He roa tōna hononga ki te Institute of Policy Studies me Te Kawa a Māui ki Te Whare Wānanga o Te Herenga Waka, ā, i riro i a ia tētahi tohu kairangi i te Whare Wānanga o Monash ki Poipiripi. Mai i te tau 1993 ki te tau 2004, i mahi ia ki te rōpū Whakamana i te Tiriti o Waitangi, i te nuinga o taua wā e ārahi ana i te tīma i āwhina i ngā rōpū ruku tātari Taraipiunara ki te tuhi i ā rātou pūrongo. Mai i te tau 2004 ki te 2007, i mahi ia ki Te Puni Kōkiri, te nuinga o te wā hei kaiwhakahaere i te kaupapa o ngā whakataunga take Tiriti. I roto i te tau 2006, i te noho ia ki te Whare Wānanga o Griffith ki Kuinirani hei hoa mātoro, e rangahau ana i te pūrongo mō Te Puni Kōkiri e pā ana ki ngāi Māori i Ahitereiria, i whakarewahia e te Minita Take Māori ki Poihākena i te tau 2007. I te tau 2008, i hoki a Paul ki te Taraipiunara hei kaimahi, e ārahi ana kia āwhina i te tuhinga o ngā pūrongo Taraipiunara mō ngā ruku tātari matua e rua, te Wai 262 Flora and Fauna me te Māori Intellectual Property Inquiry me te Ruku tātari mō Te Paparahi o te Raki (Tai Tokerau). I tuhi hoki ia i ētahi pūrongo rangahau ā-hītori i kirimanatia e te Taraipiunara hei taunakitanga. Mai i te tau 2017 ki te 2021, i mahi a Paul hei kaitohutohu mātāmua i roto i te Tīma Rautaki Māori (Rautaki me te Rangapū Māori) ki Ara Poutama Aotearoa. I kopoua a Dr Paul Hamer ki te Taraipiunara i te tau 2020.