Ngāti Maniapoto, Waikato Tainui
He Ahorangi a Tom Roa ki te Wāhanga Rangahau Māori me ngā Iwi Taketake ki te Whare Wānanga o Waikato. He mātanga ki te whakamāoritanga i waenga i te reo Māori me te reo Pākehā, ki te hītori ā-waha, ā-tuhi hoki o Waikato-Tainui, Ngāti Maniapoto me te Kīngitanga. Kua rangahau me te tāpae ki te whānuitanga o ngā tānga mō te kaupapa whakarōpū i ngā tipu me ngā kararehe me te mātauranga hauropi tuku iho, te ariā me te ritenga o te whakamāori ki te reo Māori, i te reo Māori hoki, te hauora tangata Māori, me te hītori riri Māori.
Kua roa a Ahorangi Roa i roto i Te Whakakitenga (Te Kauhanganui), te pāremata o Waikato-Tainui, tae atu ki tana tūnga hei hea. I roto i ngā tau, he mema ia nō te poari ā-iwi o Maniapoto, ā, he ringa mahi ia i te whakatū mai o Te Nehenehenui. He mema, he hea hoki ia o Te Arataura, te poari hautū o Waikato-Tanui. He Kaiwhakawā Tūmatanui hoki ia, ā, i kopoua a ia ki te Taraipiunara i te tau 2016.