I te tau 2008, ka whiwhi te Rōpū Whakamana i Te Tiriti o Waitangi i ētahi tono kia ruku tātari i ngā kerēme Tiriti ki ngā takiwā o Taihape, o Rangitīkei, o Manawatū, o Horowhenua, o Kāpiti hoki. I te whakataua ētahi o ngā kerēme o tēnei takiwā, ā, i roto ko ngā kerēme e hāngai ana ki Rangitāne ki Manawatū me Ngāti Toa Rangatira. I muri iho i ngā hui ā-kaiwhakawā ki ngā kaikerēme me te Karauna, ka whakawehe te Taraipiunara i te takiwā ki ngā ruku tātari ā-rohe e rua: Ko Taihape me Porirua ki Manawatū.

Ko tōna kotahi rau, tekau mā whitū ngā kerēme e ruku tātarihia ana hei wāhanga o te ruku tātari ā-rohe mō Porirua ki Manawatū (Wai 2200). Kāhore ngā kerēme o Ngāti Toa, o Rangitāne, o Ngāti Apa hoki e uru ana ki te ruku tātari, nā te mea, kua whakataua kētia aua kerēme. Engari, e arotahi kē ana te ruku tātari ki ngā kerēme o Muaūpoko, Te Ātiawa/Ngāti Awa ki Kāpiti me Ngāti Raukawa me ngā rōpu e tūhonoa ai, arā, ko Ngāti Kauwhata, Ngāti Wehiwehi me te hapū o Te Reureu.

Ka tae atu te rohenga ki te uru o te takiwā o Porirua ki Manawatū ki te Awa o Whangaehu ki te uru, ā, heke iho ki te Takutai o Kāpiti e whakatata atu ana ki te Whanga o Porirua, tae atu ki ngā Motu o Mana me Kāpiti. Ka whai te rohenga ki te tonga i te rohenga o te takiwā ruku tātari o te Whanganui-ā-Tara mai i Te Tai o Rēhua ki ngā Pae Maunga o Tararua. Ka tīaroaro te rohenga ki te rawhiti ki ngā rohenga rāwhiti o ngā hokonga tuatahi o te Karauna me ngā poraka o te Native Land Court , arā, ka haere whakatetonga mā te rohenga ki te rāwhiti o te hokonga o Te Ahu a Tūranga i te tau 1864 mā ngā pae maunga o Ruahine, heke iho i te rohenga rāwhiti o ngā poraka Manawatū-Kukutauaki i ngā Pae Maunga o Tararua, ki te rohenga ki te rāwhiti o ngā poraka Ngārara ki te tonga. Kātahi ka ahu whakatetonga o Ngārara te rohenga ka heke ki ngā rohenga rāwhiti o ngā poraka o Whareroa me Wainui. Ka whai te rohenga ki te tonga i ngā rohenga ki te raki o te hokonga Rangitīkei-Turakina o 1849, te hokonga Rangtīkei-Manawatū o 1866, me te hokonga o Te Ahu a Tūranga, mai i ngā Pae Maunga o Ruahine ki te Awa o Whangaehu.

Te mahere o te takiwā o Porirua ki Manawatū

Tirohia te mapi

Ngā take matua

Ko ngā take whānui mō ngā kerēme hāngai ko:

te ngaromanga whenua i roto i te rohe, tae atu ki te mahi o ngā ture whenua māori ki te waihanga i te āhua o te taitara takitahi, me te pāngao te hōtaka hoko o te Karauna i roto i te rautau tekau mā iwa
ngā take mahinga tūmatanui
te taumahatanga ohaoha me te whakamārari
ngā pānga o te ture reiti me ngā kaupapahere pērā i te whakatinanatanga i roto i te takiwā o te ruku tātari
te mahi a te Karauna ki te puritanga me te whakahaere o Kāpiti me ētahi atu motu
ngā take taiao, tae atu ki ngā tauira o mua, onāianei hoki o te whakakino me ngā tae e pā ana ki te mana ā-iwi me te whakahaere a te Karauna i te taiao (pērā i te Awa o Waikanae, te Roto o Horowhenua, me te Awa Iti o Hōkio)
te pānga o ngā kaupapahere mātauranga, otirā te pānga ki te reo Māori
ngā take tāone māori
te tūtohu i ngā mōtika tuku iho me ngā pānga puta noa i te takiwā ruku tātari, ā, i ētahi wā i waho atu o te takiwā ruku tātari

NGĀ TAKE MATUA E AROTAHITIA ANA

Land loss

Public works

Economic disadvantage and stagnation

Local government and rating

Environment

Education

Te ahu whakamua o te ruku tātari

Mai i te Pēpuere 2014 ki te Āperira 2015, ka tīmata te Taraipiunara i te nohoanga mō ngā taunakitanga Kōrero Tuku Iho puta noa i te takiwā o te ruku tātari Porirua ki Manawatū. Ko te take o tēnei wānanga kia rongo i ngā taunakitanga hītori ā-waha i te tangata whenua.

I whakamana te Mana Whakahaere Kaiwhakawā Matua Fox i te whakaarotau ki ngā kerēme o Muaūpoko i te Oketopa o 2014. Ka tū ngā nohoanga whakaarotau mō Muaūpoko i waenga i Oketopa me Tīhema 2015.

I whakaputa te Taraipiunara i Horowhenua: the Muaūpoko Priority Report i te 30 o June 2017, i whakamana i te nuinga o ngā kerēme mō Muaūpoko. I whakatau te pūrongo he tino whakahāweatanga ki Muaūpoko te whakawehe takitahi o te taitara ki te whenua tuku iho nā te Native Land Court me te hoko a te Karauna i te tauwāhi tāone o Levin hoki. I tautuhi hoki te pūrongo i ngā takahi i te tiriti i tāpae ki te kore whenua o Muaūpoko i te mutunga o te tau rua mano. Waihoki, i kite te pūrongo i ngā takahanga Tiriti tairaru e pā ana ki te Roto o Horowhenua me te Awa iti o Hōkio.

I whakahaeretia ngā nohoanga ngātahi me te Taraipiunara o Taihape (Wai 2180) e pā ana ki ngā taunakitanga hangarau mō te Awa o Rangitīkei me ōna hikuawa. I whakahaeretia ēnei whakahaerenga ā-ture ngātahi ki te Central Trust Energy Arena ki Te Papaioea i te 30-31 Mei 2017. I rongo te Taraipiunara i ētahi kaiwhakaatu hangarau tae atu ki Dr Robert Joseph rāua ko Mr Paul Meredith (‘Ko Rangitīkei te Awa: the Rangitīkei and its tributaries cultural perspectives report’, #A190) me David Alexander (‘Rangitīkei River and its tributaries historical report’, #A187).

Kātahi ka rongo te Taraipiunara ki ngā kerēme o Te Ātiawa/Ngāti Awa ki Kāpiti me te tūāpapa ōrite ki ngā nohoanga mō Muaūpoko. I te wā o te ruku tātari mō Te Ātiawa/Ngāti Awa ki Kāpiti e rima ngā nohoanga, i waenga i te Ākuhata 2018 me te Ākuhata 2019.

I te Mei o 2020, i whakaputa te Taraipiunara i te pūrongo takitahi e pā ana ki ngā kerēme mō te Kārewarewa Urupā, i whakarewaina hei take ohorere i roto i ngā nohoanga. Ko te kitenga whānui i roto i The Kārewarewa Urupā Report tērā ngā takahi i te tiriti i roto i ngā tukanga o ngā mana whakahaere tūhura, whaipara tangata hoki.

I te Tīhema o 2022, ka whakaputa te Taraipiunara i tana pūrongo Waikanae, i kapi ai ērā atu kerēme i rangona i te wā o te ruku tātari mō Te Ātiawa/Ngāti Awa ki Kāpiti.